Apalabrados euskaraz

Sare sozialen guneetan dudan profiletako hormetan hasi nintzen honelakoak irakurtzen: urliak ezdakitzenbatpuntu lortu ditu apalabradosen.  Baina, egia esan, jokoei ez diet jaramonik egiten; are, behin eta berriz gonbidapenak igortzen didana kontaktuen zerrendatik ezabatua izateko arrisku bizian dagoela onartu behar.

Abuztu aldera euskaraz ere bazegoela jakin nuen, beta bertsioan eta gerora, tablet xumea eskuratutakoan, probatzeari ekin diot, ea Maite Goñik (ala goñikiek, batek daki, hiri-legendari jaramon eginez gero) zer nolako lana egin duen (duten) kuxkuxeatzeko, besteak beste. Eta erakarri nauela onartu behar.

Oraindik badago zer egokitu; esaterako, amorru biziz hartzen dut ustezko hitz egoki, luze eta puntuazio altukoa jarri eta sistemak atzera botatzen didanean. Ez nago txapelketara aurkezteko asmoz, baina gururen baten kontra partida jotatzeko asmoa badudala onartu behar.

Iturria: http://www.argazkiak.org/photo/apalabrados-euskaraz-face-4/http://www.argazkiak.org/photo/apalabrados-euskaraz-face-4/
Eta txapelketak edo lehiaketak aipatuta, ekimenak lortu du (ondo merezitako) saria sei@a2012 delakoan


Empecé por probar y ya me estoy aficionando al apalabrados, aunque, por ahora, me estoy dedicando más a la versión en euskera, pero sin intención de participar en campeonatos... de momento ;-)

Comentarios